मोनसे अरदाबनि अर Poem by Ronjoy Brahma

गोलोम बोथोरा थानायमोनब्ला
जोँ बेसेबा गोजानाव थागौमोन
सिलिँ फेननि आलांगायाव
.
अदेबानि गोलोम बोथोरखौ
जोँ दाफै दाफै होनाखै
बेयो फैयोब्ला
जोँ गावनो एरायलांगोन
.
दिनै गोजां बोथोरा जोँखौ हमथादोँ
मोनसे अरदाबनि अर सेराव
बेयाव दा आबौ बोरायनि जारि
.
आय फै आफा फै
गोरबो बिखाखौ हांफै
थोर थोर मोदोम मावनानै
सोरां बिदुंनि दिक्षा लादोँ बयबो
.
गासै आखाय हांदोँ बेवहाय
गोरबो फुदुंनानै
सल' मन्त्र खोनासं खोनासं
रामायणनिफ्राय महाभारत
इयुन बिदिन्थानि मोनथिस'यै इयुनसिम
.
जेन'बा जोँ गावनो गंसे बाथि
सोरां गैयै
बे अरदाबाव जोँखौ सुखांदोँ
सोरां जराय जराय-
.
मोनसे अरदाबनि अर
बे सोरां आरो अरखिखौ लानानै
हाजार अरन सौसिलांगोन जोँ
इयुननि मिथिसयै बिदिन्थाजोँ।