राजा गैया सोर्गोआव Poem by Ronjoy Brahma

राजा गैया होन्नानैनोथ'
दालाइ दालाइ थाबायो आं
बिलाइ सा सा थाबायो आं
रोदाजोँ बेन्दोँजोँ खारो आं
.
बै बिबार बै बिबार
बिबार बारि बारि
गलाबनि बारि
जबानि बारि
.
सोर्गोआव आं बयनिबो उदां
उदांखायनोथ' दुखु गैया आंहा
बै दैसा बै जोमै
आमाय जुमाय गेलेयो आं
.
बेसे अनसायनो बिबारनि मोदोमनाय
गोजोन आरो खुसिजोँ आबुं
जामा जोबा जिउआव
.
बै ग्रह बै नक्षत्र
थांलाय फैलाय खालामो आं
बयबो आंनि खुरमाजोब
रावबो आंखौ दाफै दाफै होना
.
राजा गैया सोर्गोआव
हांजोँनो जायो आं
खुसिजोँनो खिगारो आं
खालाय जाया सोर्गोआ
.
बेबादि गोजोन बहा मोनो
नागिरनो गोसो जाया
रावनियावबो सोँबायनो गोसो जाया
आं उदां आंनि सोर्गोआव।