बेबादिनो थाङो फागुण Poem by Ronjoy Brahma

सिउ सिउ बारनाय बाराव
बिफांनि गोरान बिलाइफोरा
दा ज्रय ज्रय सिरिनो हमदोँ
बोथोराबो बेसेबांबा गोरानसिन जादोँ
.
अब्लाबो-
बारजोँ बिरनाय
लाइमोन सिख्लानि खानायफोरा
नायनो बेसेबांबा समायना
.
बेबादिनो फोर्बो दिनै-
ओजोँ अं अं थाइजौ नारेँ बिबारफोराव
बेरे बेरेमाफोरनि
बिरबायना बिदै सोबनाय
.
ओजोँहाय मेथाइ-
बायदि देँखो दाउसिनफोरनि
सिमलि दालाइ बैग्रि दालाइ
खेबख्लाब खेबख्लाब फिथाइ जानाय
.
बेबादिनो ओजोँ-
ददेरे रुम्बांमोननि दखना जोकथोँनायजोँ
हाद्रि खुदोँ फ्राव फ्राव
सोरबा अनजालुनि हांख्रायनायाव
.
बे फागुण-
देवोलनि आबिर गायो
गोसो आरो गोरबोआव
जुलिनि रादाब लानानै बिरबोयो खौऔआबो
.
इयुननि सोमखे मोखां
थेवबो-
अनजालिनि खाफालाव
बारफैयो मान्दार बिबार
बैसागुनि रंजानाय लानानै।