आंनि खन्थाइआव Poem by Ronjoy Brahma

आंनि खन्थाइआव दं
गलाब बिबारनि मोदोमनाय
सोरगिदिँ मिथिँगानि मिथिँगा
गोदान जिउ जुलिनि देँखो
*
आंनि खन्थाइआव दं
राजखान्थिनि मोनामनाय
अहिंसा आरो हिंसानि फारथाम मोखां
हिर'सिमा नागासाखिनि गाबख्रावनाय
*
आंनि खन्थाइआव दं
अबंलावरिनि सिफुं सुनाय
सान हर आर'ज गाबनायनि
नाङा गोथै गोरबो बोलि होनाय
*
आंनि खन्थाइआव दं
बैसागुनि बावलि रंजानाय
रिगि रिगां दखना आगर
हारि हारिमु अनसायनायनि
*
आंनि खन्थाइआव दं
आलर्मस्त्रंनि लावथि फिदिँनाय
जोहोलाव निलुनि मेथाइ
हनै सानजाहा सोरां बोगौ-
अखा नायसि फेरेँगा दाउनि फोजानाय