फागुण नोँ जावलियामार Poem by Ronjoy Brahma

सिउ सिउ बहानिफ्रायबा
गोर गोर खारबोनानै-
लामानि हाद्रिखौ जोफुं फैबाय नोँ
.
हाद्रि नांदोँ आद्रि आद्रि
गेवलां गेवलां बिबारफोराव
नोँनि मिनिग्लाबनाय फाखनजोँ
बैग्रि फिथाइ गोमोना सिरि गारदोँ
.
बाबांसिन दालाइयाव गोबानानै थानाय
गोरान बिलाइ सिरिनायखौ
एसेबो दुखु मोनाखै आं
गोरबोआबो आलौथ्राखै
.
दालाइयाव बारनांगौ बिबार
बारखानांगौखा-
बारथोँ बारथोँ
बेखौ सान्ना आंहा खर'बो सायाखै
.
थाइजौआ मावलिबाय
बारहुंखाया फैखासिगोन
माब्लाबानो सानखादोँ आं
अब्लाबो फैथोँ फैथोँ नंथारदोँ
.
फागुण नोँ जावलियामार
सिमब्रेना लांबाय आंनि अनजालिखौ
मान्दारनि हायना फोनांनानै
.
र- नोँखौ फेजेननो
आंनि लोगो
बारहुंखाखौनो
लेँहरथारनोसै आं मुसुरदावनानै।