उदांस्रिनि मेथाइ Poem by Ronjoy Brahma

खोमसिया
साग्लोबनाय अख्रांखौ
सोरां होनो
साना ओँखारबोगोन-
साना ओँखारबोगोन-
-
दुंहाव दुंहाव
बे बुब्लिखौ होखारनो
बारआ बारबोगोन-
बारआ बारबोगोन-
-
नोँ हौवा नोँ हिनजाव
जेराव गैया गथ'-गथाय
ब्लाव ब्लाव अरआ जोङो
खोमसिखौ होखारनो बनजार दैयो
-
जिउ होयो जाय हादोदनि थाखाय
जोरसुमा जानानै थायो
थांनानै थायो सैथोआ-
उदांस्रिनि अरआ अराय जोङो-
-
संसारनि दुखु
संसारनि खैफोद
जोँ जुजिगोन दावहाथिलियाव-
जोँ सानस्रिगोन लैथोखौ-
-
हाद्रिया बुंनाय मुलुगआव
सानसे अखाया हागोन
खोमसिया साग्लोबनाय अख्रांखौ
सोरांआ सानसे बोस्रांगोन