जेराव उदां Poem by Ronjoy Brahma

आंनि जिउ अरननि जुनारफोरखौ
जिउमा बानजोँ गावथारनो
दोखो दोखो बिमनि गदाजोँ देग्लिनो
मोनसे दावहा होबाय आं
बेसेबा गुवार गोरबो फोथारआव
-
आंनि बिखा थैजोँ मानलानाय लेवारफोरखौ
आंनि गोसो सानस्रियाव मानबायनाय बेलावफोरखौ
आरो आंनि खौगाजोँ
सालाइ फिलन फिलन ओँखारबोनाय
फिथिगम जिबौखौ बुथारनो
-
फिदिँबाय आं फौथै लावथिखौ
बेसेबा गोथौ जिउ लैथोआव
-
बै गोरबो फोथार-
बै जिउ लैथो-
देरहायै देरहायै
आं मोनसे फोथार नागिरबावो-
आं मोनसे जिउ नागिरबावो-
जेराव उदां आरो उदां-