दाउ खौऔ Poem by Ronjoy Brahma

मिथियै बबेबा फैसालिनिफ्राय
देँखो बोफैबाय नोङो
बोथोर गोदाननि सुदेम बारजोँ
बिफां बिलाइ गोरलैनि दालाइ दालाइ
-
आय' बेबादि मेथाइ
बोदोर खालामो गोसोखौ
रंजानाय बोथोर बैसागुनि रिँनाय
खौऔ खौऔ मेथाइ नोँनि
-
आं नुयो नोँनि देलाइस्रि
मिथिँगानि गोदान महराव
बेसेबा समायना आय' जेरैबो
खौऔ नोँनि मेथाइआ रिँलाङो
-
बेबादिनो नोङो फैयो
खिन्थालां बारदैसिख्लानि न'खौ
फैगौ फैगौ होनो नोङो
गोजामखौ सिफायनो गोदान गायसननो
-
खौऔ नै बोथोरनि थान्दै
मा बान्था हरबावनो नोँनोलाइ
आंनि फिन मेथाइखौनो खोनासंदो
नोँखौ बाखोनायनो गोरबोआ गुसेब सुबुंहा
-
आंनि आर'ज नै खौऔ
थाइख्रिनाय जोँनि थाइजौआव बाफै
गोदै जायो नोँनि मेथाइबादि
रोजाबफै दाहा गैयै मुलुगनि मेथाइ
-
नोँखौ बरायै बरायै लेँहरब्ला
खौऔ नोँ रोजाबफै
दुंहाव दैज्लांनि सान्दुंआव
नांगोल जुंगाल बान्ना मेँनाया खारो
-
गायनाय फुनाय दैज्लांनि दुब्लियाव
गोजोन मोनगोन गोरबोआ
बोलो मोनगोन सोलेरा
जोँखौ दाबाव दाबावथार सना!