मोन्थाइ Poem by Ronjoy Brahma

सिमां सिमां होननानै
सिमांखौल' मोजां मोनाखै आं
सिमांनि बैफोरखौसो-
जेराव इनाय होन्नाय गैया सोदोबनि
-
खोमसि गैया आंनि सिमाङाव
गोजा गोलोम गाबनि
सोरां बेवहाय अरायबो
जेराव खानानि जोनोम जाया
-
समायना बैफोर समायनानि सिङाव
रंगिना रंगिना गोरबोनि
बार खोलो दैसा-निजोरा
उदां गोरबो जिउ-जिउमानि
-
गोदो गोदो सिमां नुनाय समाव
नोँ आंखौ दा फोजा
मानोना-
आंहाबो मोन्थाइ दं
-
रंगिना नैबे सिमाङाव
बोनथुमना लायो आं मुलुगखौ
सानखौ अखाफोरखौ-
दंनायमानि जिउ-जिबिखौ
बारखौ दैमा-दैसाखौ।