सोदोब गोरबो गोरबो Poem by Ronjoy Brahma

दाजाबख'नो हायै
गोबां अनजिमा
सोरगिदिँ गोरबो नक्षत्रनि
जोँथि-माथि आलायारन
-
मिनियो बिरबायो
सोदोब गोरबो गोरबो
बे फैलाय बे फैलाय
आंखौ नांगौ आंखौ नांगौ?
थिरिँ बिरिँ सोँफैयो
-
मोकथांजोँ सुनाय सुनाय
मोकथांनि गोमो-गोथां गोमो गलाब
सिखिरि आगर दाउसा मोख्रेबजोँ
-
मोन्दाङो दैसाबादिनो
मिनि खुसि बोहैयो
सानबादिनो सोरां सारो
मोकथांबादिनो गाङो-उखैयो
-
मिजिँ थुलुंगा
उदांनि गांखं फुवारो
मारुं मोनफा मोनफा गाखोनो
दैमा सानस्रिनो सारामाय थेबो
-
सोदोब गोरबो गोरबो
थमेन थमेन बिबारबादिनो
ख्लाब-ख्लिब हिराफोरबादि
आंखौ नांगौ आंखौ सोँफैयो।