नोँ मोनजाबा आं मोनजाया
आं मोनजाबा नोँ मोनजाया
नोँ गाबब्ला आं मिनियो
आं मिनिब्ला नोँ गाबो
बेसेबांबा फाराग जोँ-
नोँ आरो आं
हा अख्रांनि फाराग
थुला आरो अन्थाइनि फाराग
आं गाबज्रिहरब्ला
नोँ खोनाया
नोँ गाबज्रिहरब्ला
आं खोनाया
नाथाय जोँ सानैबो बेँगा नङा
जोँ सानैबो बबा नङा
थेवबो फाराग सान्दुं-अखानि
गुसु आरो गुदुं
दैज्लां आरो मेसेँ
गोजाम आरो गोदाननि
जोँ अब्लाबो-
बुरख्लाब- बुरसि
खुरख्लाब- खुरसि
नाङा फाङा बुलायाखै
This poem has not been translated into any other language yet.
I would like to translate this poem