आं आरो आफानि फिसाला आं Poem by Ronjoy Brahma

मोसौनि फिसाया मोसौआनो जायो
मोसानि फिसाया मोसा
बेबादिनो अमानि फिसाया अमायानो
-
नाथाय मानसिनि फिसाया
मानसियानो साबेसेया जादोँ?
दद दद दद-
बेबादिनो सोँनाय आंनि
-
आफानि महर मुस्रि
राव-भाव गोरोबब्लाबो
गोसोजोँ गोसो
गोरबोजोँ गोरबो गोरोबथारा
-
आफानि बोलोजोँ
आफानि जानायजोँ
एबा मेगनजोँ गोरोबब्लाबो
आफानि सिमांजोँ गोरोबथारा
-
आफानि सान्नायजोँ गोरोबथारा
बिनि आगान आगान
आंनि गोख्रैथिया बेसेबां?
-
दाजाब दानख'
सानजाबलाय रानलाय
आं आफानि खमसिन जाथारा
आं माब्लाबाबो गोरोबथारा
-
मिथिबाय आं
जुनारनि गोरबो गोरबो
बारजोँ हाद्रिजोँ गेलेनानै
-
बेखायनो मिथिगौ आं
आफाया आंखौ जोनोम होब्लाबो
आं नाथाय आफाखौ जोनोम होआ
-
गसाइ लिरनानै होनाय
थोँगोर थोँगोर हांखोखौ
आंनि समायजोँ सिफायगोन आं
-
दिनै आं जुनार
जुनारब्लाबो
मानसि जोनोम होगोन आं।