जेसे हागौ एसे
हब्रा हब्रा गारमा फुवारनाय
गोफार गोफार
गोफारसिनबाव जिलित हगारनाय
-
जुनारजोँ जुनारखौ मानो बुंनो?
सुबुंजोँ सुबुं
आंगोजोँ आंगो मोखां खुबैगारनाय
देहा गोरबो जुगुमलायनाया गुबुंसिन जाबाय
-
जुब्रा जाबाय गुफुर दाउथु
गांखं बायना जग्रब्बाय
हाद्रि खालि हाद्रि अख्रांआव
निहोर सिरिलिया अखा हालिया
-
लेवार बेलावनि होँगो दोँगो
निजोरा बोहैलिया मुलुगाव
बोहैदोँ गोजा थै मंगलियान फोलेरनि
लाथा लाथा खारलुं खारलुं-
This poem has not been translated into any other language yet.
I would like to translate this poem