मोनसे उदां मुलुग Poem by Ronjoy Brahma

उदां बे अखोरांआ
सोमखोर फोलाव बेसेबा फैलाव
जोमैजोँ जोमै होसोलायनाय
बेसेबा समायना बुंना फोजोबनो हाया
-
दाउलुर दाउसिनमोनखौ बाजो
दाउथु दाउथु गुफुरमोनखौ
सिला सिगुणा दिजायो
बेसेबा गोजोन नायनो
-
सिंह'आ खे खे मिनियो
बेसे खुसि मै सेसामोना
मैदेरनि सुन्दाय आथिँ फोलावनायजोँ
दाउसिन सखामोना-
-
मोनसे उदां मुलुग बियो
बयबो मिनिनो हायो
बयबो गाबनो हायो
साअन्थाइ बांग्रिँ मावो
-
गोगो गोगो निजोरा
खुवा खुवा अखा हायो जेब्ला
हाद्रि बार बारो जेब्ला
थैयाबो बोहैयो बे मुलुगाव।