रैसुमै/आंखौ बावनो नांखाया Poem by Ronjoy Brahma

गाबहां गाबहां
गोरलै गथ'नि रावजोँ
बेबादिनो बुंदोँमोन नोँ
दैसा गाथोननि मोनाबिलियाव
-
आर'नाइ गांसे दानो रोङा रोङा
हाथाइनिबो आंनो हरफेराखै नोँ
आंदि नोँनि अननायखौ
उसु-खुथु बेसेबां हास्थायो-
-
फुथुला नांगौ फुथुलाखौनो
बोसोर गोदानाव बायना हरबाय आं
नोँ होनाय हाथाइनि बिबारा
आंनियावबो दिनैसिम दं
-
नोँनिसिम लाइजाम सहैया दिनै
नोँनिफ्रायबोथ' सहैया
मिथिगौ बिजुलि साथि गैया
खोमा खोमाबो रायज्लायनो हाया
-
बावदोँ होननानै
थार्ला बावदोँ दासानथार रजे
कार्बनडाइ एरायै एरायै
अक्सिजेना दाबो बोहैयो गंसे सोलेर