जाम्बिसो जोँना आयआ Poem by Ronjoy Brahma

जखायसे जखायसे
सानगासे बारा गोबां जखाय
फिसाखौलाय खांदोँमोन
फिसाजोँनो नायफिन जायाखिसै
-
खोमसि मोखाङारि
हाखर मोखाङारि
अरन मोखाङारि
गासैबो उल्था मोखाङारि
-
नाथाय-
जायफोर सानमोखाङारि
बिसोर दाबो उन्दै
बिसोर खंगा गां गैया
-
जाम्बिसो जोँना आयआ
मेथाइ रोजाबनो रोङा
दाउ बिमाबादि फै फै होना
दाथां दाथां बुंनो रोङा
-
बबेनिबा जम फैदोँ
गोजौजोँ गोजौ दिखोना लांदोँ
राबणा लंकायाव लांखारनायबादि
-
बबेनिबा सिलाबाजो फैदोँ
थिउ साबनानै लांदोँ
बबेनिबा सिखारि फैदोँ
नांगौखौ मोना नाङै दौ गावदोँ!