गाबोन बेबादि जादोँमोन Poem by Ronjoy Brahma

थैबाय
खायसे थैबाय थैबाय होननानै
नागिरगासिनो दं आंखौ
-
जारिमिना ओरैसो-
मायब्रा माथानि अप्रियाव
आं नाथाय थब्ल'गासिनो दंमोन
-
हिमालय एभारेष्ट
नङाब्ला कैलास बावखुंग्रि दांदुफुर
जेरावबो गाखोनो हालिया आं
-
गोराननि थालाथाम बिल्दिँआव
दंगासिनो दंमोन आं नाथाय
-
प्रसान्त लैथोमा एबा
एन्टारटिका-
हरै जेरावबो सानस्रियाखै आं
सानस्रिदोँ सहर गलानि ड्रेनाव
-
रायजोफोर-
खदाल नाङा
ब्लाव ब्लाव अरखौबो नांलाया
PWD रडआवनो बोबथिँगोन दादुआला सैमाफोर-
-
आंखौ बहा फबनो-
खायसे थैबाय थैबाय होननानै
नागिरगासिनो दं आंखौ