जोमै दं अख्रांआव, जोमै Poem by Ronjoy Brahma

अखा हागोन
बार बारगोन होन्नानै
दान्दालि बुरैनि गामसा गिजिखौसिन्थाय
न'आव दोनफैदोँ आं
-
बहाबा बिरखार लांनो हागौ
माथो थिक दं?
-
गोजांगोन गोजांगोन होन्नानैनो
दाउ गग्रायाव सिमा बुरैखौ सोहरदोँ
दाउमोना गोजांनो हागौ
-
गोजांगोन गोजांगोन होन्नानैनो
मोसौ गलियाव सिन्थाय
दाफासे जिगाब बनानै होदोँ
मोदोम बावबायनो हागौ मोसौफोरा
-
अमाखौ खामसालियाव खाफैदोँ
गन्द्राया थावरिखानाय नङा
-
बिफां-लाइफांनि दाउसिनफोरखौ
आं मिथिलिया
बारोन्दायाव बिरबायना थाफैथोँ बिसोर
-
खोलो खोलो बारआ
बारगासिनो दं
बारगासिनो दं
बिफां-लाइफांमोना मोसागासिनो दं
-
सुदेम सुदेम खोमसिया
मेगन मेसेबदोँ ना नायखोमादोँ
बुंनो हालिया आं
-
अखाया हामारगोनदा-
हायाब्ला?
मिथिँगाखौ लानानै
सान्नायफारिबादि बिजिरनाय जागोन