रायखोमालायदोँ Poem by Ronjoy Brahma

संख्रि बारा जायोब्ला
एबा फानलु गोसा जायोब्ला
दाबाथि रुवाथिखौ
रायखोमाग्रामोन सिरि सिरि
बालाबगासे बोथोर थांबाय
-
हालेवनो रोङाब्ला
एबा आलि खोनो हायाब्ला
नङाबा मोसौआ उदै बुङाब्ला
आलुरामखौ रायखोमायोमोन
-
बालाबगासे बोथोर थांबाय
-
आमोखानि बाथ्रा
आमोखानि खोथाफोरखौ
बुंथ'लिया आं
एबा गोसोआवबो लाथ'लिया
-
खोन्दो मोनसे थांबाय
-
सिखाव
दाखाइट
लाफांगि गुण्डा
गोबां गोबां
-
खोन्दो मोनसे थांबाय
-
सिरि सिरि बुंखोमालायदोँ
आंनियानो
आंनियानो
बिखा बुनानै बुंनो हागौ आं
-
आंनियानो
मिथिथारगौ आं मोजाङै
-
बिसोर थगायो
ओरैबादि थगायोदि
जेबो मिथिथारा आं