आं आरो बिसोर सोरबा सोरबा Poem by Ronjoy Brahma

'बियो खाफालनिसो खोथा
मानिनानै लालै नोंथां'
बिसोरनि बुंनायसो बाथ्रा
बुरखायै बुरखायै
-
आं नाथाय मानिनानै लानो हाया
मानिथारा आं
सिमांखौ नुनानैबो फोथायथारै
सिमांबादिनो सानग्राथार
-
आं आंनि खाफालखौ
गोदानै लिरगोन
भुमदै सागोरनि साम'बादि
जिब्रालटरनि अन्थाइयाव
-
'दालों दालों' -बेयो
अनजालिनि बुंनाय बाथ्रासो
एमाव गिख' अनजालिनि
एमावखौबो सिनाया बियो
-
आं नाथाय आंबादिनो
अमरनि रुबाइयाद
सोरबानि फिथिखाखौ
लोँबाय आं गोदावै गोदावै-