'गोसो थोलायनानै
बदनाम दाला'
रग' बेबादि माब्लाबा
सिखिरिनि सिगांआव बुंदोँमोन आं
-
बावनानै नङा
गोसोआवनो दाबो दं
लाइजाम सावनानै होजाबाय
मुंबो सुजाबाय
-
आं जायखौ गोसोथोयो
बेखौ आयआ सैथारा
आब'आ सैथारा
सैया गासै आंनि आंगोमोना
-
मानोना
आखाय गैया आंनि अनजालिया
मेगन गैया
गैया सोलेर गैया मुस्रि
-
नाथाय जिउ दं बिनियाव
अनबा अननो हानाय
होबा होफिननो हानाय
-
बदनाम आंहा
गोसो थोनायनि
अननाय होनायनि
गोसो गोरबो हास्थायनायनि
This poem has not been translated into any other language yet.
I would like to translate this poem