रैसुमै/बियो फैदोँमोन आंनि गाबनायाव Poem by Ronjoy Brahma

दमाद गैयै जोबोद मुखुब
रंजाबाय थादोँमोन आं
आंनि गोरबोनिफ्रायनो
बियो सिरियै ओँखारलांदोँ
-
रजेखौ खारखोमालांबाय नुनानै
होसोलांदोँमोन आं
मेगनखौ लोगोआव लानानै
गोरबोखौ फुवार फुवार
-
बियो फैफिनदोँमोन
आंनि दुखु जानाय समाव
आं होनबा दुखुखौ
बेसेबा मोजां मोनबायमोन
-
थुदो- आं फैफिनबाय रजे
नोँनि सेर्जा हुनायाव
खैना सान्तिबादिनो
फैदोँमोन आंनि सेराव
-
नोङो दिनै आंखौ सिनायगौ
नोँखौनो नागिरो आं
जेरावखि थाया
बेबादिनो नोँनि हाबिलास
-
आंखौ दाबावदे
आंखौ दाबाव
हराव जेरावखि थाया
फुं-बेलासि नोँ आंनि