आफाया मा लुबैयो Poem by Ronjoy Brahma

सिबिँ गरसेखौ
जोँ माब्लाबाबो रान्नानै जानो हाखाया
बेखायनो आफाया लुबैदोँ
हावरियाहा रसा दानांथोँ
-
खावसे उदै खालि खालामनानै
थोब्ले माब्ले जानांनाय
गावनो बिदिन्थि
बेबोमोन आफानि दुखुआ
-
लेलाय लेलाय थैयो
बाब्राब-खुब्राब रसा नाङो
सिबाय रायजो फिसाफ्रा
गावनिनो आंगोमोना
-
बेबादिनो गोमालाङो सिमां
बिसोरनि मिजिँ
हायलाङो गासै थांखि
-
मानोना 'अर' उखै जानायनि
रोहो रोहो उदैयाव
-
रायजोनि गाबनाय
लेलाय लेलाय मानबायनांनाय
बिरखांनो हायै
बेनो दुखुनि जाहोन
-
सहायनो हाया आफाया
गाग्लिनाय आरो गाग्लि जानायखौ
बेखायनो बिबुंथि-
'थां आरो थांनानै थानो हो'
-
बुरलुंबुथुर
संखस आरो सदियानि समायजोँ
थैनो रोङै आफानि बिग्रायनाय
-
सैथोखौ फोथांनो
सैथोखौ लानानै
मोन्थाइ आरो जौगाथाइजोँ
थांनानै थानो थाखाय
जिउ होगोन सैथोखौ फोथांगोन