देरहानाय Poem by Ronjoy Brahma

फानजामुथिनि बिसाय बादिब्ला
खाफाल गैखाया आंहा
बेखौ हास्थायना मोनन्नायनि
थेवबो अख्राथार आं
-
गंगार बादिनो
-
माबा ग्रहनि दष दंनो
अब्लाबो आं हान्थु खेरायाखै
मन्दिर गिर्जायाव
बाथौ सिजौ गुदियाव
-
मोननो हास्थायै हास्थायै
आं घोरोम सास्त्रखौबो बारबाय
अबंलावरिखौबो गिलिया आं
दावहा नांनो थियारिसै
-
देरहाथारनांगौ जाबाय जेब्ला
अखाफोरनाव सोँहैगोन आं
जोमैजोँ रोन नांना
अख्रांखौ गाग्लोबनानै
-
अदेबानि
आंनि गोसो बिगियान बादिब्ला
देरहानायाव गोमानाय गैया
थैब्लाबो थैया बेवहाय