रैसुमै/नोँजोँ आंजोँ गोरोबलायनायाव Poem by Ronjoy Brahma

नोँजोँ आंजोँ बोराबलायनायाव
अखा मोफ्लामनाय दंमोन
दिनै सान ओँखारदोँ
नोँनि आंजोँ गोरोबलायनायाव
-
बेसेबा गोजोन खुसि
बेबादिनो जायो
जिउ मोनसे जाद्रायनाय जायाब्लाबो
-
माब्लाबा नोँ रागा जोँगोन
माब्लाबा नंखाय बोराबगोन
गुबुन सानफोराव
रागा जोँगोन आरो खुद्रिगोन
-
रजे आंबो मिथिगौ
रागायावनो मानसिया खाना जायो
बेबादिनो माब्लाबा
नोँखौ सिनाया आं
-
सिनाय एखमबा गावखौ
-
दिनै नैबे समावनो
नोँनो आं बुंना होनि-
-
माब्लाबाबो आरोबाव
रागा दाजोँ
आं रागा जोँबोला
माब्लाबाबो लाजि दाफोनां
आंनि दाहा गाबनायाव
-
नङाब्ला आंनि सोलाय
मोनगोन गावखौल'
गावखौल' हार्सिँ-