ಸಾವಿನ ಭೀತಿ Poem by PRAVEEN KUMAR Kannada Songs

ಹಿಂದೊಮ್ಮೆ ಹಿಡಿದಿತ್ತು ಭೀಕರ ಸಾವಿನ ಭೀತಿ,
ಇನ್ನೆಂದೂ ಮತ್ತೆ ಮೇಲೆದ್ದು ಬರಲಾಗದ ರೀತಿ;
ಯೌವನದ ಯವನಿಕ ಮರೆಯಿಂದ ಆತ್ಮ
ಬಡಿದೆದ್ದು ತತ್ತರಿಸಿ ಭೂಮಿ ಹಿಡಿದಿತ್ತು.

ವರ್ಷಗಳ ಚಕ್ರ ನಿರಂತರ ಸುತ್ತಿ
ಹಳೆಕಾಲ ಬಹುದೂರ ಸಾಗಿಹೋಗಿದೆ ಇಂದು;
ಬಂದೆನೆಲ್ಲಿಂದ, ಬಂದೆ ಹೇಗೆಂದು
ತಿರುಗಿದರೆ ದೂರ ಭಾವಪ್ರಪಾತದ ನಡುವೆ
ನಡೆದ ನೆನಪಿನದಾರಿ, ಕಣ್ಣೀರ ಕಪ್ಪಿನ ಹೆಜ್ಜೆ
ಮೂಡಿ ನಿಂತುದ ಕಂಡೆ.

ಕಾಲಚಕ್ರದ ಓಟ ಮುಂದೆ ಸಾಗಿದ ಹಾಗೆ
ಮೃತ್ಯುಲೋಕದ ಗಾಳಿ ಬಳಿ ಸಾರಿ,
ಮತ್ತೆ ಭಾವೈಕ್ಯದ ಧೈರ್ಯ
ತುಂಬುತ್ತಿದೆ ಮೈಮನ, ಹೃದಯ, ಅತ್ಮ.