ಸಂವೇದನೆಯೊಂದು ಪರಕಾಯ ಪ್ರವೇಶದ ದಾರಿ,
ನಾನು ನನ್ನದರಿಂದ ಹೊರಗೆಳೆವ ಸಂಮೋಹನಾಸ್ತ್ರ;
ಸಂವೇದನೆಯು ಜೀವಜೀವವನೊಂದಾಗಿಸುವ ಗಂಟು,
ರಸ ಜೀವನಕೆ ಸ್ಪಂದಿಸುವ ಸುಖದಾಂತರ್ಯದ ಗುಟ್ಟು;
ಆತ್ಮದಾಳದಿ ಹರಿವ ಜೀವನರಸದೊತ್ತಡದ ಒರತೆ,
ಭಾವಲೋಕ ಬೆಳಗಿಸು ದೀಪ, ಹೃದಯದ ಹಣತೆ;
ರಸಿಕ ಸಂಪ್ರೀತಿಯ ಹೃದಯ ಹೃದಯ ಸಂವಾದ,
ಹೃದಯದಾಳದ ಕಾರಂಜಿ, ಭಾವ ಸಂಗೀತ;
ಸಂವೇದನೆಯ ಹಿತಕಾವಿನಲಿ ಲೋಹ ಹೂವಾಗುವುದು,
ಲೋಭ ಮತ್ಸರಗಳಿಂಗಿ ವಾತ್ಸಲ್ಯ ಬೇರೂರುವುದು.
This poem has not been translated into any other language yet.
I would like to translate this poem