खोमसिसिनबाव
खोमसिनि जालामाखौ
सिमब्रे सिमब्रे उरसिनानै
सोरांखौ नागिरो जोँ
-
जेराव सोरांआ थायो
दैमा-दैसानि सेराव
उखैनाय खारगोनबादि
जेराव सुखुनि फुंखाया
-
जोँ गावनि मुंखौ लिरदोँ
गावनि मिनिनायखौ
जिउनि मेथाइनि
हांखुर हाबिलासखौ
-
रैसुमै सिरि सिरियै
सिमां नुयो जोँ
बेफोर मोनफा मोनफा जिउबादि
गोमालाङो एबा थांनानै थायो
-
मिजिँ गोरबोनि गोरबो
जेब्ला जामब्रिहाबो
मोकथांखौ बावलाङो
बावनायनि सिगांबो थैहाबो
-
जोँ खन्थाइखौ लिरा
लिरदोँ जिउखौ
आरो जिउनि सिमांखौ
मोकथांनि आबिर मिजिँनि रंगिना रंगिना गाबफोरखौ
This poem has not been translated into any other language yet.
I would like to translate this poem