नोङो बावबाय खोमा-
बावबाय जानो हागौ-
थारैनो आं उदांमारब्लाबो
टेनजिं नर्गेनि आफाखि नागिरग्रासो
-
गुरुदेबनि हादानाव
फोर्लाँ आफानि रजं खनसायनाय
थांनानै दं मिजिँ लानानै-
गेलेलिअनि थैनो रोङै दानजोँ
-
थरायना जिउनि-
नोँजोँ आंजोँ सिरि सिरि
बेसेबा उदांब्लाबो बुरलुंबुथुर सेराव
जोँ उदां नङा फानजारि सिङाव
-
नोँनो मिथिगौ-
आफाया मानो गाबामोन?
मानो गाबामोनलाय आफाया?
-
मैयानिबादिनो
गाबोनबो जोनोम जादोँ
गले गले खानानि
बेसेबां हिसाब लानो?
-
आबौ खाख्रब अजानि
खुदै जारि जारि
खासिनि सानायखौबोथ'
दिनैबो खेँनो हायाखिसै जोँ
-
गोरोन्थि जागोनबादिसो मोनसै आं
सोनाबनि बारजोँ फैफानाय
बिगियाननि गोबाख्रबनो हायै दानखौबो
This poem has not been translated into any other language yet.
I would like to translate this poem
खन्थाइखौ मोखां बिलाइनि गेजेरजोँ फरायनो होनाय जादोँमोन। ड॰ सुनिल पुकन बसुमतारीया फरायना बुंदोँ- "Exellent"