सायखंआ आंनि सिगां सिगां Poem by Ronjoy Brahma

साननि सोरां रोदाजोँ
गोसोफोरा मानलायो हेब्रे-माब्रे
बेन्दोँफोरबादि
हरैबो आगान हरैबो-
-
जोँमानि सोरां गुन्द्राजोँ
आगान होयो मेगन
थि खालामबाय मोनसे
जेराव सहैनाय जायो-
मिनिनाय खुसिजोँ
-
थाबायदोँ आं
मोनसे मारुं सायख'नानै
उदांनि हावारजोँ-
नङाब्लाबो रावबो बोबथानो हायै
-
साबोन थरसेनि हाबिला
हाथाइ गोदान लामा फारसे
अदेबानि दैसा सेराव
जिउनि मेँनाया गोमालांगोन जेराव
-
थाबायदोँ आं
फुंनि सिरिनिफ्राय ओँखारबोनाय
सानजानि हांसो सिलारिजोँ जुजिनानै
गोलावनिफ्राय गोलाव आगान