आयनि जिउ: आंनि बिबुंथि Poem by Ronjoy Brahma

''अखाफोर गावदां
नोँ हरनि बेसेबा सोरां
थाबायथा सना गावदांदां''
-
अखाफोरजोँ सुनाय सुनाय
आयखौ बेसेबा मोजां मोन्दोँ आं
जोनोमनि उनाव
आयआ आंखौ मोजां मोन्नायबादि
-
दिनै बुजियो आं
आरो बुजियो आंनि आय
आयनि सिमां आंनि मिजिँ
-
बोसोर फिराय फिराय
दुखुखौ सुखुजोँ
सुखुखौ सुखुबादिनो
बेसेबा थांबाय सानफोरा
आयनि जिउनि गोरबो मोनसेजोँ
-
माब्लाबा सिमांबादि
बार बारलांबाय
आयनि खर' साजोँ
आरो खोमा सोरजोँ
गोजामनिफ्राय गोदानसिम
-
दुखु सुखुनि गोबां बुब्लि
बायदि गाब बायदि देँखो
दाहा हांमाखौ बावलांनाय जादोँब्लाबो
बावनो हायाखै गोदान मिजिँखौ
-
जेब्ला आं जोनोम जागौमोन
बेसेबा खुसि जादोँमोन नोँ
इयुननि थाखाय आबुं मोकथांनि
जाफुंसार जिउनि थाखाय