दैज्लांनि बानायाव रोनावनाय नाखान्दा
एबा सहायनो हायै
बालाबोथियानि बाब्राबनायखौ
गोग्रोमना बेसेबा उनावसो मोन्नायबादि
मोनबाय आं जिउनि खबामखौ
-
रैसुमै रजेनि लाजिगुसु मिनिनाय
बोहैनाय सुदेम दैसाबादि
मोनबाय आं रजेनि गोरबोखौ
सोदोमस्रि गेफे मोनसे गोरबोनिफ्राय
-
थांना थानायफोरनि थाखायनो
जिउनि थांना थानो जुजिनाय
मोकथांखौ दिनै मिथिगौ आं
रैसुमै सुबुंनि अनथाव गोरबोनिफ्राय
-
खुसिसिन जोबोद खुसिसिन
बिनिखायनो
आंनि खबामजोँ
मोसादोँ अनजालि
This poem has not been translated into any other language yet.
I would like to translate this poem