जिउनि गोदान लैखोन Poem by Ronjoy Brahma

दिनैनि गिलु बालु खोमसियाव
बेसेबा इयुननि मिजिँ लानानै
थांनानै दं रजे आरो आं
मोलेले बाथि फोजोँनानै
-
गोजां बोथोरनि गोरान हरबादि
दिनैबो उदांनि लामायाव
जोसा जोसा मोदोमदोँ नोजोर
रोजासे दानबनि खौगा सिनाय
गले गले इनाय अदखार
-
थाखोमा नाङो जोँ
खोमसिसिनबाव फैसालियाव
माब्ला बारग'नो हागोन बे हरखौ?
अनजालिया सोङो आंनियाव
-
दुखुथिया बर' बिमानि फिसा
बेँगुरा समाजनि गोरबोआव जोनोम मोन्नाय
बिरखांनो हायै दाउ
जोबथे जानाय फानजारियाव
सानस्रिजोँ अराय गेले नांनाय