रैसुमै/मुलुगा नोँनि मोखांबायदि Poem by Ronjoy Brahma

आंनि लिरजोबै दाइरियाव
जेन्थखा गोबानाय जारौ गुसुथिनि
नोँनि मिनिनाय मोखां
मिनिदेरगौबा मिनिदेरगौबा
-
ओँथि बिजिरख'नो हायै
मनालिसानि मोखांखौ
गोसोखांफ्लां थाराखै आं
गोसोखांगोन बेबादिबो सानाखै
-
हरखौ सोरां होनानै
गोसोखौ सोरां होनो हायै
फुर्णिमाखौबो गोसोआव फैयाखै
दौलेँआव थेन्थौदोँ अखाफोर
-
आं गोसोखांदोँ-
अदेबानि गोसोखांनो गोनां जादोँ
गोसो थोलायनायनि सल'
हांमा हांसानि मिजिँजोँ बुंनाय
-
मिजिँ दं आंहा
नोँनि मिनिनाय खुसिजोँ
एबा नोँनि मोखां बिबारखौ
बुथुम बुथुम सारफावनानै होनो मुलुगाव
-
जेरै नोँबादिनो-
मुलुगा आंनि मेगनाव नाङो
आरो आं गोजोनो
जेरै गोजोननि जौसांआव उन्दुलांनो हायो
-
आं हास्थाया रावनिबो-
रावनिबो मोखां दांग्रोमनो
बुब्लि मोनसे भावथिनायाव
दिन्दां अखाफोरनि सोरांजोँ
-
रजे नोँ मिनियोब्ला
मुलुगा नोँनि मोखांबायदि
आं हास्थायो बेखायनो
नोँनि मिनिस्लु मोखां फैसालि मोनफ्रोम