रैसुमै/जंखाय नाङा आंखौ नोङो Poem by Ronjoy Brahma

दाखालि बैसागुआ फैयोब्लानो
देवोलाव लरं दाउनि ललिनायजोँ
ओँखारबोदोँमोन जिबौ दाराज
आरो सिरि मोनदोँमोन एम्बु बंग्ला
-
दिनैनि थाखाय बैफोर गोजामब्लाबो
थांनाय दैज्लांआनो आरोबाव फैफिनलायबाय
आं गोदो आलि खोनांनाय
आरो नांगोल जांख्रायाव नोँजोँ हाब्रु फुनजानाय सम
-
आरोबाव गोसोआव फैदोँ आंहा
फोथायहां फोथायाहां अनजालि नोँनि
खबाम गैयै मागोआव रोजाबनाय
बिलाइ गोरान ज्राव ज्राव देँखो
-
बिनि उनावबो फैदोँमोन नोङो
आंनि खाथियाव मोदै लानानै
मेसेँआव रानज्रबनाय थास' बिलाइनि मोदै
आंनि खाथियाव थब सिरिगारदोँमोन
-
अनजालि नोँ बावनो हाया
बै सुदेम मोनाबिलि दैसा सेराव
नोँनि दखना आंसोलाव आं खानानै होनाय
आंनि अनथाव बाथाव सना फिथरनि अन्नायखौ
-
दैज्लांनि सियालनि हाबायाव
दिनैनिफ्राय नोङो मोसाबावगोन?
जंखाय नाङा आंखौ नोङो
सयथिबो नोँखौसो हास्थायो आङो