खन्थाइ नङा खन्थाइ/फोरमान नागिरनाय Poem by Ronjoy Brahma

जखायसे बोसोरनि सिगांनो
नायगार नायगार बोन्दोँ बोरायखौ देथारदोँ
अदेबानि देथारनाय जादोँमोन
सिमां नुफुनाय समावनो
-
सोर देथारखो बोन्दोँ बोरायनो रावबो खिन्थायाखै
दिनै बोन्दोँ बोराया बुहुत जाबाय
बियो जोबोद गोसो जादोँ नायनो
उन्दुलांनाय समाव सोरदि देथारलांखो
-
बोरायनि लाथिख' जानाय देरायाव
दा बेयाव हाग्रा दुफब्बाय
बेयावदा सासे बुहुतनि अनगा रावबो थालिया
सन्दे खालाम जानो गिनानै रावबो थांलियाबो
-
सोलो सानगारबाय बोराया
बियो दानिया फिथाइनि आबाद खालामबाय
समायना रमायना बिबारनि बारि खालामबाय
सिखिरि बेरे-बेरेमा बिरबोबाय
-
बिरबोबाय फालो फालो दाउसिन-दाउला
मानबायबोबाय एम्फौ-एनला
दाउसिन-दाउलायाबो बुङो आं
एम्फौ-एनलायाबो बुङो आं
-
सानदोँ बोराया सोर जानो हागौ
सिखिरि बेरे बेरेमा?
ना दाउसिन-दाउला एम्फौ?
फोरमान नागिरदोँ दिनैबो बोराया