रैसुमै/दिनै जेबो दाबुं Poem by Ronjoy Brahma

गंसे अख्रांआव बिरबायनो
उदाङै गांखं फोरानाय
मासे गुफुर दाउथुनि
जोँ रुबु-सुबु फारनै गांखं
-
बियो जेराव थाङो
आंबो बेयावनो थाङो
नोँ जेराव आंबो बेयावनो
आं आरो नोँ जेरावबो
-
गोसो थोलायनाय जोँ सानैजोँनो
आं जायखौ गोसोथोयो
बिबो आंखौनो आंखौनो गोसोथोयो
मेगनजोँ मेगन गोसोजोँ गोसो
-
नाथाय बियो थारैनो-
आंखौ गोसोथोमारोदा?
आं दिनैसिम फोरमान नागिराखै
गोसोथोयो होन्नानै आं बिखा बोखावनाबो दिन्थियाखै
-
थेवबो जोँ मिथिलायगौ
जेब्ला आंनि जुलियाव बैराथि ललिगोन
बैसानखालिनो बिनिबो जुलि
जागोन सोरजोँ सोरजोँ जागोन
-
सोरजोँ जागोन आं खिन्थानो हाया
आरो बिबो आंनो खिन्थाना लाया
बेखायनो जेबो सोँलिया आं
आंबो सानो जेबो दाबुं होन्नानै
-
खेबसे जोँ खोथा होदोँमोन
सानसे आं नोँनो खिन्थागोन
जेब्ला नोँ बुंनानै लायो
दिनै जेबो दाबुं जेबो दाबुं