रैसुमै/आं बेबादिखौनो हास्थायो Poem by Ronjoy Brahma

नोँनि मेगनाव मोदै नुयोब्ला
आं बुजियो फेलेँ जासै जासै गिनाय
आरो आं मोजांसिन मोनो बिनिखायनो
गले गले नोँखौ थगायो
-
जेरै मोखांनि लामायाव
सिमां आरो मिजिँआव
नोँ मेसेबनो गियो
आंखौ गोमासै गोमोरलांसै
-
माब्लाबा नोँ थगायनानै आं थगायफिनोब्ला
नोँ आंनि खाथिनिफ्राय खाथिसिनाव फैथारो
आरो बांसिननिफ्राय बांसिनबाव
नोङो आंखौ गोसोथोयो
-
बेबादिनो नोँनि मोजां मोन्नायखौ
दिहुनगासिनो दिहुनो आं
गले गले थगायनानै
नोँनि मोदैखौ आजावनानै मोजां मोन्नायखौ सिनायो
-
जेब्ला गोमाजानो गिनानै
नोँ आंखौ गोबाख्रब फैयो
आं आरो बेसेबांबा खुसि जायो
दानिया नोँ आंखौ थगायलिया
-
आं बेबादिखौनो हास्थायो
नोँनि मोदै
नोँनि गोबाख्रबनाय
जेरै आं नोँखौ नागारलांनो हाया