आबौ/आबौनि नबथियाव जेथोनि बार Poem by Ronjoy Brahma

आबौनि नबथियाव गुदुं जेथोनि बार
जोँनि गोरबोनि दाउ मैनाया फोथायखेबस'
फोरमायदोँ फोथायहां फोथायाहां सल'
जोँनि गोसोआव दं जिँसि गोरान
-
बेरे फुंजानि खुदियाफ्रा
दुब्लियाव गुमा हमनो थांलिया
हरफाथोलो बिजाब फरायलिया
''साखन्द्रा फैयो साखन्द्रा फैयो-''
-
बयनिबो मोखांआव गोसोम ट्रिपाल
दिनै सोराङा सोराङा मोनदोँ
बोरैबा हरा लावगासिनो लावदोँ
दासान्दि सानजौआब्ला दाउज्ला गेसेरा
-
जोँनि गोसो आरो खर'आव
मानफबदों लेवा बेन्दोँ
बेन्दोँजोँ बेन्दोँ हमथा लायदोँ
बयनिबो खुगाया आरोबाव खहे
-
दा जोँनि आखायाव सांग्राङै दं
गोबौ थुंग्रि सिखा खंखाय
सोरदि सौग्राव फैगोन-
जोँ बुंथनो हालिया
-
दैज्लांनि अखा खोरोमनाय
ट्रिपाल सोँथेनाय खायमा अख्रां
हाथर्खि हाथर्खिमोना थाखोमादोँ
आबौनि नबथियाव सैमा सोँख्रावदोँ