रैसुमै/थोबसे बुलुर नोँनि आंनि मोजां मोन्नाय Poem by Ronjoy Brahma

लावरि लावरि गुरै नोँनि आखायजोँ
नोँनि मोजां मोन्नायखौ
नोँ आंनिसिम नारहरो
आरो आंनि आखायाव गोग्लैफैयो
-
बेबादिनो आंनि मोजां मोन्नायखौ
आं नोँनिसिम फिन नारहरो
बेसेबा होलाय लाया जायो
नोँनि आरो आंनि मोजां मोन्नाय
-
नोँनि खुसिनि बिलाइ हरनायजोँ
आंनि फिन हरनायजोँ
नोँनि आरो आंनि आखायजोँ
थोबसे बुलुरनि महर लायो मोजां मोन्नाय
-
हायाव गोग्लैसै गोग्लैसै
जोँ दिनैसिम आखायजोँ आखाय गथायलायदोँ
थोबसे बुलुर नोँनि आंनि मोजां मोन्नाय
थांलाय-फैलाय अरायबो गिदिँबाय थादोँ
-
आं सान्नायबादि नोँबो जानो हागौ सानदोँ
बारजोँ बबेयावबा बुखार जायोब्लाबो
हाव हाव सान्दुं दुंखावब्लाबो
दा बेरफ्रुथोँ खावनै दाजाथोँ