स्लगान/जोँनि सोरांसि रायजोआव Poem by Ronjoy Brahma
स्लगान/जोँनि सोरांसि रायजोआव
दा जेथोनि बार बारदोँ
जोँनि सोरांसि रायजोआव
आबादारिनि नबथियाव
फोथायखेबस' दाउ खौऔआ बाफैदोँ
-
खायमा अख्रांआव दाउफ्रिया नायदावहरो
गोसोजोँ गोसो सानहरो-
''आयौ! अखा मोफ्लामसो गारदोँ''
दन्दराव दाउ हुदुआ हब्रादोँ
-
जोँनि जारिमिनाव अर नांबाय
लामायाव गोथैनि आगान
आबादथिलियाव सान्दुं दुंबाय
जोँनि सोमोन्दोआ बेसेबा गोजाम गोजान
-
खबरदार लोगोफोर-
दाउज्लाया गेसेरनोसै
गोदोना सेरथेदोँ बिसोर
उदांनि बारखौ फांथेनो नाजादोँसै
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
8/28/2026 8:10:26 AM # rel_20260827T145718Z_a0f1bd3
