गोजावलाङो मेगन मोदैजोँ Poem by Ronjoy Brahma

जोमैनि गेजेराव जोँनि गोसोफोरा आन्दायो
गांगा थफा दैनि दाहाराव
जोँनि गोरबोआ सिमब्रे जायो
गोजावलाङो मेगन मोदैजोँ
-
फुंनि उनाव सानजौफु बारलाङो
मोदै बुंफबनाय मोनाबिलि
हांगार मोखां हरा
गोजावलाङो मेगन मोदैजोँ
-
मोसायो साफेरे-सुफेरे
जेथोनि बारजोँ बिलाइ-बेन्दोँ
गेवलांङो बुस्रोद जाना बारजोँ
जबा गलाब जिँगा बिबार
-
गियाखै अरननि मोसा लख्रा
जिबौ लेवार बेद्लावखौ
जोँनि सोरगिदिँ गोजा लैथो
बार मोदायनि ट्रिपाल खोबनाय मोखां
-
मोदै बोहैनाय सिमांआव मुगासे
दैसा - अरनाव मुगासे
हा सिङाव मुगासे आरो मोकथांआव?
गोजावलाङो मेगन मोदैजोँ