रैसुमै/नोँजोँनो थागोन आं Poem by Ronjoy Brahma

नोँनि गोसोआ दासोलायथोँ
नोँजोँनो थागोन आं
नोँनि मेगनाव-
नङा नोँनि गोरबोनि बामखआव
-
जेब्लानिफ्राय नोँ आंखौ सिनायबाय
बामनानै लादोँ नोँ-
दाएंख्लायसै मिथियै हाखराव
नांथाना दं नोँनि आखायाव
-
नोँनि बिबुंथिजोँ जोनोम जाथोँ
मोनसे जायख्लं बायजाबथु बिबार
जोमैया खुबैदागार आंखौ
लैथोआव दाफोजावथोँ
-
मेगन गेवनायनिफ्रायनो
नोँखौ नायो आं गल'-गथ'
मेथाइ रोजाब मेथाइखौनो
गोसोफोरा बाज्लखांथोँ
-
फैबावथोँ फुं हरनि उनाव
मोदोमफ्रु बिबार बाराव दाउनि मेथाइ
आंखौ मोजां मोनो नोँ
नोँनि गोसोआ दासोलायथोँ