ला-ला लाला-ला Poem by Ronjoy Brahma

लोगोफोरा आंखौ बुङोमोन-
''रन्जय गला
थं ला
फैसा गरसे ला''
-
बेफोरखौनो गोसोखां गोसोखां
सम सम मेथाइ रोजाबो आं
ला-ला लाला-ला
बेसेबा गोसो होनानै
-
प्रसान्त लैथोमा एबा गंगानि मोसौ फाफ्लिबायदि
मोनसे गुथाल सोमजिखाङो
अन्नाय होनायखौ ला
मिजिँ ला; हाबिला
-
सोरनिबा मेथाइ खोनायोब्ला
गोसोआव सोनानै ला
बोसोनफोरखौ खनखांना लाला
सुजुदो दावगा खौसेथिनि माला
-
सुजुदो बिबारनि माला
रैसुमै मेथाइनि माला
खबाम खन्थाइनि मालाला
उदां देँखो एबा सिमांनि बायदि माला