रैसुमै/जौमोननि बाराव गोसोआ Poem by Ronjoy Brahma

आं जेब्ला जोबोद दरसि
खेबफ्रोम बुब्लिनि खोमसि खोमसि
नोँ आंनि गोरबोखौ बिसि फैयो
नोँ आंनि मेगनाव नुजाफैयो
-
दबा बुंजाफा गलाब बिबार लानानै
आरो गलाब बिबारजोँ आंखौ खुबैनानै
आंनि बायगर गोसोखौ आवलि होयो
आंनि गुसु सोलेरखौ दुंखां होयो
-
जौमोननि हाबिलाखौ दखना आंसोलाव
बेसेबा हां थोनो थोनो खाथेनानै लाबोफायो नोँ
लासै लासै नोँ खेँफैयो गोसोआव
हां बोनायजोँ आंखौ एवथुथारो नोँ
-
नोङो आंखौ गोरायै गोबाख्रबो
आरो आं नोँखौ गोबाख्रबो
नोँनि गुसुथिनि जारौ जेनथखा गाबा
आयनायाव नुदोँमोन आं माबा
-
आंनि खावलायाव थालाङो खुदुमनाय
मोजां मोनो नोँ आंखौ
आरो थांफादोँ आंनि मोजां मोन्नाय
नोँ लानानै थांदोँ गोरबो बामखआव आंखौ