अमृटनि मोन्थाइखौ लानानै
गोसोनि गुफुर दाउथुआ
बिरदावलाङो अख्रांआव
ओरैबादि दोँसे मेथाइ रोजाबनो
-
दाखासे जोमैया हमख्रबो
आरो बेँथेनानै लायो
खोमसियाव ट्रिपाल होथेयो
गोदोना सेरथेबायो
-
गुफुर दाउथुआ जुजियो
आथिँ जोब्राबो खायजिरो
नारा-नाथा हां गहां गहां
गांखं बुब्राब बायो होख्रावो
-
अरनाव दाउमासारा सिरि मोनो
खोमसियाव फेरेँगा दावा सिरि मोनदोँ
दाउमासारा दाबो गेसेराखै
फेरेँगा दावा दाबो गेसेराखै
-
दखरसेल' जोमैखौ खेबखानो
माब्ला बिरबोगोन फालो फालो दाउफ्रिया?
खोनाथोँ सिरिमोनथोँ बिरबोथोँ
होख्रावो बियो 'आं उदां जागोन'-
This poem has not been translated into any other language yet.
I would like to translate this poem