जोमैयाव सोर नोङो Poem by Ronjoy Brahma

गोलेर मन'नाय साननिबायदि
नोँनि मोखांआव दाउसा मोख्रेबनि साया नांदोँ
गय जरा फाथै जरा होनानै
बाथौ बोरायखौ दिनै खुलुमनो गोनांथार
-
ना सिंगिया ब्रे सुदोँ
एबा ना थेँगोनायानो फ्राद गावदोँ
नोँखौ दिनै बाब्राब अजायाबो सोखानो हायैआव
दाक्टार खानानि बाथ्रा आं बुंलिया
-
माब्लाबा फैदोँमोन आंनि लामाजोँनो
मोखांजोँ मोखां सौग्रावलायदोँमोन सानैजोँ
नोँखौ सिनायोना सिनाया
आं गासैखौबो बावजोबलांदोँ
-
गले गले होस्रिख्रावदोँ
आरो जोमैखौ बुस्रांबायदोँ
जानो हागौ बेखायनो राहा गैयैआव
अखा हामारदोँ ज्राम ज्राम ज्राम-
-
आं सिमांआव उन्दुनानै दंमोन
मेगनजोँ उन उन जेरावबो सोलेर लानानै
अब्ला साना सिमां बुथारनाय सममोन
स्रि-स्रास्रा हांसो सिलारि सिमांखौ लांनो बिरबोयो
-
जोमैयाव सोर नोङो
आं- आंनि गोसोबायदि नुहरो
नङाबा आंनि जिउबायदि
सानखौनो नेनानै थायो आं मेगननि थाखाय