गोरबो मस्रायनाय थालिम Poem by Ronjoy Brahma

रेल गारि खारनाय बायदिथार
जोँनि अहं गोसोफोरा
गावनिल' मोनसे आवथाखौ गोबानानै
आवथालि फावथालिनो
-
खारो जिक जिक जिक-
सम मिथिया बोथोर मिथिया
हर मिथिया सान मिथिया
सौग्राव सौसि जिउ गैयैबायदि
-
हे लोगो! बेबादिनि खथर थाया
खंगा जागोन खेबसे सौग्रावनायावनो
लामा बेयावसो मोजां
बैयावनो हाखर दं जमनि
-
गोरबोखौ खेबसे मस्रायना नाय
अन्थाइयाबो महर सोलायो
दिनैनिफ्राय जोँ खारलांनि
थिक थिक थिक-
-
जोँ रावखौबो लामा नाया
खबाम गोनां गड़ि खाथानि गिदिँनायबायदि
ददेरे ददेरे मोसानानै
से नै थाम ब्रै बा-