स्लगान/खामनाय बुब्लिनि अरखि Poem by Ronjoy Brahma

खोमसिजोँ जेराव बोनजानाय
बेवनो जोँनि दावहाया
थै बिलोनि हाखराव
गाद्लिनदोँ गगा मोनगुदोँ
-
हे जोहोलाव!
मेंनानै गोग्लैनायखौ मेंनो दाहोथारसै
फिदिँदो थुंग्रिखौ
जिफ्लेथोँ सुथुरनि मैलारु जेया
-
खोमसिजोँ गोदोना सेरथेजानाय
बे हरा माब्ला सोराङो?
जिँगा दासिथारसै
बुस्रांदो मेँनाय गैयै बोलोजोँ
-
स्नि सान स्नि हर
बे हरा खोमसियानो
खोमसियानो बेँखन्ना लादोँ जोँनि मेगन
आरो आवग्रिनो नाजादोँ गोरबोखौ
-
थिर थिर साननि मेगनबायदि
खोमसिखौ खामफ्लंथारगोन
खामनाय बुब्लिनि अरखि
थाद'आ जेन'बा बे जांखृखांनाया