मालाय लुबाय नबथि
संसार जाबाय रुजु-रुमु
अखाफोर दांहैबाय बिसोर
हिमालय-एभारेष्टनि थिखिनि गाखोहैबाय
-
बिसोर दाउसिनफोरबायदि अख्रां गिदिँबाय
नाफोरबायदि मुलुग लैथो सानस्रिबाय
मालाय मेलेमनि फुजा होबाय
हागौ हागौ सिनायथि होबाय
-
हे लोगो!
दाबो जोँहा नबथि गैया
रुजु-रुमु रायजो जानायनि
बबेनिफ्राय सुजुनो सिमां?
-
दजनसे सिगुणा जाखर मेगनजोँ
जोँनि खर' साजोँ बिरबायो
आरो जोँनि मेलेमखौ खेबख्लाबो
जोँ आरो खर' गैयै गोथै जायो
-
दजनसे सिगुणा बिरबाय बिरबाय
जोँखौ खोमसियाव खाख्रबो
बोथोरनि उनाव बोथोर बेयावनो
जोँ आरो गोजांहाबो गोलोमहाबो
-
दा आरो दुखु सैनानै
जोँनो जोँ मुगैलायनायजोँ
गोग्लैनानै थाबाय दैखराव
गोजोन्नाय आरो उदां मिजिँआ खंगा
-
बेखायनो नोँनि आंनि गोरोबलायनायजोँ
सुखांनि मोनसे बनजार
नोँनि आंनि गोरबो आखायजोँ
खौसेथि गायसन्ना नबथि फसंनि
-
लैथोमा सानस्रिनो आरो
सोमखोर अख्रांनि उदां देँखो बोनो
सोमखोर मिथिँगानि मेथाइ रोजाबनो
फै बयबो नबथि फसंदिनि
This poem has not been translated into any other language yet.
I would like to translate this poem